mindl rinkevitsh

di vayblekhe subkultur

di froyke iz gezesn eyne aleyn in der groyser dire mit di dray shloftsimern. di kinder zaynen geven in kemp, dem ershtn zumer vos beyde zaynen geven genug alt tsu forn. der man hot ersht gehat avekgeforn af gesheft keyn shikago af a vokh tsayt. iz zi zikh azoy gezesn, nisht farbenkt, nisht gekrenkt, bloyz a bisl farvundert m|koyekh dem vos in ire etlekhe draysik yor iz es dos ershte mol vos ir kumt oys zikh tsu gefinen take aleyn af a gantser vokh. biz tsu der khasene hot zi opgelebt ale ire yorn bay di eltern in shtub. es zaynen geven veynik teg un bloyz eyntslne nekht ven zi iz farblibn in gantsn aleyn.

di ershte tsvey teg, spetsyel di ershte tsvey nekht iz ir di shtilkayt fun der puster dire zeyer gelegn afn gedank. di drite nakht hot zi bloyz farn shlofn geyn a trakht geton az dos aleyn zayn iz a rutin vi ale rutinen un zi iz deroyf ayngeshlofn.

es hot zikh ir ge|kholem|t az zi hot zikh oysgelenkt a knekhl un es tut shtark vey. oyfgekhapt hot zi zikh in shtarke yesurem vi keyn mol frier in lebn. der sharfer veytik hot alts fun ir gefodert, ale koykhes, di gantse oyfmerkzamkayt, azoy az es hot gedoyert a sheyne por minut biz zi hot banumen az zi muz af velkhn s'iz oyfn handlen. koydem hot zi gevolt onklingen tsu ir dokter, efsher farvandlt zikh di zakh in a geferlekhn blut-oysgus. ober der zeyger hot gehaltn bay halb nokh tsvey in der fri. zi hot bashtimt tsu rufn an ambulans. fun di veytikn vet zi nisht oys|haltn biz tog un afile ven der dokter gefint zikh shoyn in ofis ken zi dort nisht dergeyn. zi iz nisht bekoyekh zikh aruntertsushlepn in gas, zol dos zayn afile in a shlofrok, un arayn in a taksi.

sheltndik vos dos iz geshen punkt ven zi gefint zikh eyne aleyn --- geveyntlekh, shpirt zi beys der tsayt bekhlal nisht keyn veytik, bloyz a bisl shlafkayt --- iz zi vi nisht iz dergangen tsum meditsin-shafele un shnel fartrunken tsvey aspirinen mit vaser. zi iz tsurik arayngefaln in bet, gemakht likhtik un zikh gepruvt tsuzamennemen. beys zi hot genumen trakhtn vos vayter, hot zikh der veytik genumen tsubislekh aynshtiln. zi iz vayter gelegn umbaveglekh a shtikl tsayt. dan hot zi zikh genug baruikt kedey tsu nemen a roman fun nakhttishl un leyenen a vayle, un der veytik iz dervayl avek vi keyn mol gornisht.

zi iz geven tsu oyfgeregt un ibergeshrokn vayter antshlofn tsu vern, iz zi forzikhtik, a bisl moyre|dik, arop fun bet un arayn in kikh zikh makhn a tepl tey. gor pamelekh hot zi tsugeshart a shtul tsum fentster, shtupndik dos mitn gantsn kerper kedey zikh vos veyniker ontsushtrengen, un zikh avekgezetst antkegn fentster trinken di tey.

di leydike shtile gas, fun gasnlompn baloykhtn, hot zi baruikt. kegn iber zaynen geshtanen a rey romantishe alte braunstons, fartunklte, farshlofene... nor mit a mol hot zikh gehert a gepilder fun eynem fun di braunstons, a froy hot fun dortn geton a loyf aroys, zi hot flink aropgenumen dos dekl fun a mistkastn farn hoyz, arayngeshprungen un fun ineveynik tsurik aroyfgezetst dos dekl. s'hot keyn rege nisht gedoyert un a mansparshoyn iz aroys fun braunston un zikh blits shnel aruntergelozt mit di shteynerne droysndike trep. er hot a langn kuk geton oyf der gas, frier dreyendik zikh af rekht|s, nakher af links, geblibn shteyn a rege un tsurik arayn in hoyz.

di froyke baym fentster iz shoyn greyt geven tsu rufn di politsey, nor zi hot zikh epes genumen kvenklen. veln zey den kumen herndik aza geshikhte fun a froy in a mistkastn? zey veln avade meynen az zi iz shiker un zi heysn geyn shlofn un zikh oystshukhen fun dem. oyser dem gefint zikh di froy in mistkastn in gor an erntster lage. tsi hot es bekhlal a zin az a vild fremder mentsh zol zikh araynmishn? es ken ir nokh vern erger fun dem. zi vet beser blaybn baym fentster un zen vos vet zayn vayter. iz zi azoy gezesn un gezesn un gekukt dem mistkastn biz zi iz ayngeshlofn azoy zitsndik af a por minut. un ven zi iz oyfgekumen hot zi zikh bald geleygt un farshlofn biz elf in der fri.

vi bald zi iz oyfgeshtanen hot zi zikh glaykh dermont in alts vos iz forgekumen in meshekh fun der nakht. ir hot zikh zeyer gevolt az dos zol hobn geven a beyzer kholem. di gesheenishn hobn dokh gikher gepast far a koshmar vi far der normaler virklekhkayt. oyfn fentsterbret hot zi ober derzen dos leydike tepele mit dem tey-zekele oyfn telekhl. dos ofener fleshl aspirin iz geshtanen oyfn opgos.

filn hot zi zikh gefilt gut. zi hot ober gemeynt az mit aza nakht darf men zikh rekhenen. men ken nisht glat azoy vayter ongeyn vi es volt gornisht geshen. klingen darf men. mit a zifts hot zi gekhapt a kuk durkhn fentster af di romantishe braunstons, in kas oyf zikh aleyn vos zi hot nisht gerufn di politsey. itst gedenkt zi shoyn nisht in velkhn mistkastn di umgliklekhe froy hot zikh bahaltn. efsher zol zi onklingen a kroyve un dertseyln vos iz geshen? s'iz ir ober ibergegangen. tsu vos ibershrekn di mishpokhe? tsum dokter darf zi zikher klingen. s'iz ober itst punkt nisht der moment im nemen dertseyln vegn a veytik vos iz ibergegangen mit mer vi a minut tsvantsik frier. men darf tsuvartn un zen tsi es veln zayn vaytere antviklungen. un azoy, vartndik af di vaytere antviklungen, iz zi shoyn opgelegn in bet dem gantsn tog, leyenendik, shraybndik un trakhtndik vegn alts vos iz geshen. es iz ir gekumen oyfn gedank az dos hot di getin diana oyf ir a shos geton mit eyner fun ire barimte fayln un ir tsugeshikt aza vayberishn veytik kedey dos zol firn tsu dem az zi zol zikh gefinen baym fentster punkt in yenem moment un zen vi froyen vern shlekht bahandlt. farshteyt zikh, az zi hot dem dozikn aynfal far keynem nisht ibergeredt; nisht far ire khaver|tes, nisht far der mishpokhe ven zey zaynen aheymgekumen. es iz geven tsu modne, tsu oysterlish. b|negeye dem epizod mitn mistkastn vos hot gefirt tsu dem gedank, un vos iz geven nisht veyniker oysterlish, hot zi oykh geshvign. vegn di umgehayere veytikn hot zi yo epes gezogt ir ginekolog, ven zi iz bay im geven mit a tsayt shpeter af ir yerlekher batrakhtung.