dray lider

dos durkhfliike bild


vos meynen di liniare shtrikhn
fun a froy vos kukt mikh on
mit a blum in hant?
iz es a tsufal
un ikh gib tsu fil
vog oyf kleyne trafn?
tsi iz es mer un tifer
un trogt in zikh a meyn?
vil es mir vos zogn 
dos durkhfliike bild
in shvartse linies
fun a froy mit a blum
in hant un a shmeykhl
oyf di lipn?
ken ikh zi fun a kholem
tsi iz zi aroys vi a ruf tsu mir
oyf glatik vaysn papir?


umziste foreray


umziste foreray
ge|pater|t tsayt tsulib emetsns gemit.
tsi s'iz keday tor men nisht fregn,
vi a sakh tuekhtser tut men
vayl me vert getribn.
a tsetrogene shmeykhlt men
in hoyln tog arayn,
me vet shoyn gefinen a teyrets,
nor tsi se vet zikh loynen?
azoy iz shoyn dos firekhts
fun ile hefker-parshoynen.


in a fremder geshtalt


du herst zikh tsu
tsu falshe eytses
un dayn blondzhendiker veg
hot dikh farloyrn.
afile khaloymes
vern shiterer
un farkereven 
zeyere soydes.
nor shteyn vi a moyer
af trukener erd
iz nisht der derekh
fun a kleyn bleykh meydl,
vos iz plutsem neelm gevorn
un megulgl gevorn
in a fremder geshtalt.