Elyezer Gershn batalyon (17 yor alt)
libe mentshn, ikh hob far aykh a konfesye un ikh vil zikh aropredn fun hartsn. antshuldikt mir, ober ...
ikh ... bin a poylisher.
kh'veys kh'hob prubirt, vi di asimilatorn un gevise manhigem fun der haskole es tsu bahaltn. kh'hob geleyent bikher in english, matematik, frantsoyzish. ober ikh ken zikh nisht rateven. dos iz mayn identitet. kh'bin a poylisher yid.
mayne elterns eltern zaynen gekumen fun shtetl. velkhes shtetl? ikh veys nisht, ober ale shtetlekh zaynen di zelbe: git mir a rebe, a milkhiker, a kabtsn, a shul, un a por beheymes --- un ir hot a shtetl. mir hobn getrogn undzer gesheftn in keshene un zaynen ongekumen in a yidisher kehile in montreal.
mir zaynen gekumen in di draysiker yorn un hobn gefunen an ort ful mit yidisher kultur: a teater, a tsaytung, a bibliotek ... eyner hot ongehoybn a shmate-gesheft, an anderer iz gevorn an advokat, an anderer a dokter. mir hobn oyfgeboyt etlekhe institutsyes fun der yidisher kehile, mir zaynen geven tseteylt in etlekhe grupes: di tsien|istn, di bundistn, di khsidem, di frume, di nisht-tsu-frume. mir hobn gehat kapitalistn, sotsialistn, komunistn, beyze boses, arbeter ... ober eyn kultur.
itst, az me kumt tsum yor nayntsn hundert zibn un nayntsik, bakumt men di narishe iluzye az me hot shoyn ge|pater|t undzer yidishn yikhes.
ober ikh veys, mit mayn kop un mayn gantsn hartsn, az mir zaynen di zelbe yidn, andere tsaytn, ober di zelbe yidn. kh'veys, az in yener tsayt, hot men gevoynt in bialostok --- itst, voynt men in vudstok. in yener tsayt iz der grester oytser geven a zinger-mashin --- itst, iz der grester oytser a faksmashin. in yener tsayt, hobn a sakh getrogn a yarmelke --- itst, firt men a yamaha. in yener tsayt hobn a sakh tog un nakht shtudirt toyre --- itst, hobn mir nisht aza moyre. in yener tsayt hot men gelakht fun komedye fun dzshigan un shumakher --- itst, hot men dzsheri saynfeld als der groyser makher. in yener tsayt, hot men gehat eyn mantl tsu bakleydn brider-shvester --- itst, dekt men oys di gantse mishpokhe in poliester. a sakh hot zikh gebitn, ober di kultur halt on, di shprakh halt on.
ober ver ken foroyszen di kumedike tsayt. efsher vet yidish fun undz avek. b|emes, farvos muz men hobn a shprakh, vos iz geboyrn gevorn kedey eyn eyropeisher yid zol kenen shmues|n mit an andern, ven itst voynen mir in tsofn-amerike un redn ale english? ober me prubirt es dafke aynhaltn un rateven, far sibes fun koved, traditsye un yidishe vertn. far dem ken men danken dem yivo, di heldin dora vaserman, un avade, di yidishe folksshul un Perets-shul.
ikh bin gekumen in der shule ven ikh bin geven 4 yor alt. kh'bin gekumen aheym, kh'hob gezogt, "tate-mame, es past mir. shikt mikh dort far nokh an elf yor."
zey zaynen maskem geven. kh'hob bakumen a yidishe dertsiung fun der eyntsiker shul vos hot detsidirt onhaltn di sheyne shprakh. ale andere shuln hobn prubirt bahaltn zeyer farbindung mit yidish, azoy vi es volt geven a shande ... "zol kayner mokh nisht hern mit mayn galitsianish loshn."
di yidishe folksshul un Perets-shul zaynen geven shtolts: shtoltsirt mit der shprakh, kultur, yikhes. mir zaynen narish nisht tsu zayn shtolts: git a kuk af di groyse perzenlekhkaytn vos zaynen durkhgegangen undzer geshikhte: y.l. Perets, bialik, reyzn, der vilner goen, h|rov Menakhem Shneyer|son, dzshaki meyson, al dzsholson, sara bernhard, moli pikon, fayvish finkel. men gefint yidn in yedn teyl fun lebn: di firer fun politishn lebn, ekonomishn lebn, meditsin, teater, muzik, un oyb ikh ken maskem zayn mit marlon brando, oykh in holivud. geyt in yedn vinkl fun der velt, in yedn heyl in mitn fun dzshongl ... un ir vet gefinen a yid, un nisht stam a yid ... an altn yid ... mit a shtekn ... un a bord ... un a shtikl gefilter fish ... un nekhtikn "forvert|s."
mayn lernen yidish hot zikh ongehoybn mit "motele un gitele", a bahaltener plan mikh tsu tsvingn tsu redn vi a litvak. shpeter hot ikh gelernt di mayses fun yidishe geshikhte, fun Khane senesh, un kh'hob fargresert mayn vokabular.
dernokh bin ikh gekumen in bialik. do hot men geleyent di arbet fun di vikhtikste yidishe shraybers: Perets, sholem aleykhem, Avrem reyzen, bialik. men hot zikh gelernt vegn shtetl-lebn, vegn der imigratsye keyn amerike, mayses vegn sotsyaler gerekhtikayt. a teyl fun undzer lernen iz geven geyn in yidishn teater, vu mir hobn gezen un gehert dos lebedike yidishe vort.
ober es zaynen do yidn vos fregn "farvos? farvos darf men es lernen, s'iz a shprakh kemat in keyver."
foyle zhlobes!!
yidish iz gring zikh tsu lernen un an oytser vos men darf haltn tayer. es iz shtendik do a banuts far yidish: der ershter banuts iz a kontakt mit an andern yid umetum in der velt. yedn tog ven ikh shpatsir arum maymonidis, iz shtendik do a man vos fregt: "yungerman, redstu yidish? You speak Jewish?"
un ikh ken entfern mit shtolts --- yo!
der tsveyter banuts iz di antviklung fun a yidishn kop. s'iz do a spetsyeler veg tsu klern in yidish, ful mit khokhme un seykhl. kh'vel gebn a bayshpil:
--- "Khayem, farmakh dem fentster, s'iz kalt in droysn!"
--- "un oyb kh'vel yo farmakhn dem fentster, vet es vern varem in droysn?"
nisht bloyz a shpas, ober a lektsye in lebn. itst iz di tsayt tsu geyn. mir veln gedenken di zekhroynes fun undzer yidisher dertsiung: di yidishe lider, di mayses, di poemes, di lerers (eyner vos hot mikh gelernt vi azoy tsu zogn "hobn" --- nisht "hoben". hobn!).
ikh hof az di velt fun yidish vet onhaltn durkh di kumedike yorn, mir zoln nutsn undzer yidish loshn, ton undzere lektsyes af yidish, lernen undzere kinder yidish ...
vayl yidish iz nisht toyt. yidish iz ful mit lebn, energye, sheynkayt, tayve un oysdruk, yidish iz ful mit khokhme, visnshaft, seykhl un matematik. yidish iz ful mit troyerikayt, ful mit komedye, ful mit slavishe verter vi "skrabne" un "zhlob."
yidish iz a gantse velt, un ir vet es gefinen afn internet bay www.mameloshn.yiddish.com du kenst es nisht opleykenen, du vilst es nisht opleykenen, s'iz dayn identitet.