Leye robinson

in eyn fal zogt men: "s'iz a khoyv a heyliker."
me darf nokhgeyn fustrit,
haltndik s'moyl, un voyl zikh tsuhern,
kloymersht mit opshay tsu a "khokhme"-zogekhts,
un keyn mol nit, kholile, ton keyn lakh,
bifresye tsi in arbl ...
s'harts, gegnotevet,
lekhtst shreklekh nokh der fray.
shverinke reyges
trifn arop vi zemdlekh, biz me vert
gants shtiferish bagrobn,
vi tate-mame fun a mazek-kind
vos lozt zikh geduldik mitn zamd
farhoyfenen af a turist-plazhe,
khotsh s'vilt zikh zey, bashaymperlekh, a shvim ton
in kiln, frayen yam.

un dort? s'iz dokh zeyer andersh,
nor dortn ver ikh vider tsugebundn,
un mit a festern shnur.
vayl dort bin ikh aleyn dos mazek-kind,
vos meg a shtif ton, nor muz frier lernen.
un kh'ver oykh af an emes shtark farkhapt,
gor on a brekele tsBuestve;
vayl dortn heybn zikh di ekhte berg
fun vinter-blendikn farshtand,
vos minyet mit toyznt kheyn|en,
nokh mer vi libe-meshugas.
makhmes zeyer shayn,
un ale vinklen vert di velt baloykhtn,
dokh ken men zikh tsum moker fun der likht
keyn mol nit dernentern. s'felt oys
dos zamd, vos me volt iber im gegangen.

tsi do, tsi dort, meg men tsityrn s'folkslid:
"kh|'bin tsugebundn, mame, mit a shtrikele..."

s'ershte nudne shtrikele, fun zamd,
hob ikh dokh biter faynt,
vayl es fartoybt dos harts un dos gevisn.
dos tsveyte, gute shtrikl, fun farshtand,
vos ikh hob davke lib, i haynt i eybik,
tut oykh, fun tsayt tsu tsayt, a bisl vey;
nor ikh fargin es im. s'iz mir a guter-fraynd.

marts, 2000