amol in a zumerdikn tsufri nokh dem vi es hot getogt hobn di volkenes farshtelt dem himl un nisht gelozt dos zunele sheyne oyfshaynen. hot dos shteyndl zikh ibergekoylet un gezogt farn grezl, "grezele, di bist hekher vi ikh, beyg dikh a bisl ahin un aher un azoy vestu avekshtupn di volkenes un di velt vet vern varem un du vest vaksn lenger."

dos grezl hot geentfert, "ikh bin take hekher vi du ober ikh kum nisht on biz di volkenes. lomir beyde geyn tsum blimele vayl zi iz hekher vi mir beyde un efsher ken zi avekshtupn di volkenes."

zenen dos shteyndl un dos grezl avek tsum blimele in zi gezogt, "blimele, blimele, dos zunele sheyne vil oyfshaynen ober di volkenes tuen ir farshteln. glaykh dikh oys dayn rukn un shtey oyf di shpits fis un shtup avek di volkenes --- mir veln varem vern un dayne farbn veln glantsn in der likhtikayt funem zunele sheynem."

dos blimele hot geentfert, "tayere fraynt, mir shtert oykh az dos zunele sheyne shaynt nisht oyf un varemt nisht on di velt, ober khotsh ikh bin hekher fun aykh ken ikh ober nisht onkumen biz di volkenes. lomir ale geyn tsum beymele vayl zi iz zeyer hoykh un zi ken mit ire tsvaygn un bleter derlangn biz di volkenes."

zenen dos shteyndl, dos grezl un dos blimele tsuzamengegangen tsum boym un im gezogt, "beymele, beymele, di volkenes shtern zunele sheyne oyftsushaynen un di velt vert nisht varem. nem dayne tsvaygn un dayne bleter un treysl mit zey di volkenes biz vi lang ale volkenes tsegeyen zikh. demolst vet di velt zayn varem, dayne epl veln zayn royt un dayne barn grin."

der boym hot zey geentfert, "ikh bin take zeyer hoykh ober ikh kum alts nisht on azoy hoykh vi di volkenes. mir darfn ale tsuzamengeyn tsum feygl un betn dem feygl er zol aroyfflien tsu di volkenes in shtark flatern mit di fligl, azoy az di volkenes veln zikh ale tsegeyn un dos zunele sheyne vet zikh aropbrengn unter di volkenes."

der boym mitn blimele, mitn grezl un mitn shteyndl zenen ale gegangen tsum feygl un tsu im geredt, "feygele, feygele, di volkenes farshteln dos zunele sheyne un lozn im nisht oyfshaynen. di velt blaybt kalt. oykhet dayn kohl iz nisht azoy zis ven dos zunele sheyne makht nisht likhtik oyf der velt. fli aroyf tsu di volkenes un flater shtark mit dayne fligl azoy az di volkenes veln zikh tseblozn."

der feygl hot zey geentfert, "ikh ken nit bloyz mit mayne fligl avekshtupn di volkenes, vayl ikh ken nisht azoy shtark flatern; ikh ken oykh nisht aroyfflien tsum zunele sheyne vayl es iz tsu vayt un oykh tsu heys. ober ikh hob an eytse. ir kent ale arofkrikhn oyf mayne fligl un mir veln tsuzamen aroyfflien tsu di volkenes un sheynerhayt betn di volkenes az zey zoln avekgeyn iber di yam|en, vayl zunele sheyne vil oyfshaynen."

di eytse iz shtark gefeln dem boym, dem blimele, dem grezl un dem shteyndl. zenen der boym un dos grezl aroyf oyf eyn fligl un dos shteyndl un dos bliml aroyf oyfn andern fligl, un der feygl hot zey ale aroyfgetrogn iber ale dekher un iber ale beymer, hoykh hoykh biz tsu di volkenes.

oyfn veg hot der grester fun zey, der boym, gezogt az der feygl zol redn tsu di volkenes vayl er hot dos shenste kohl fun zey un oykh vayl di eytse iz geven zayne.

ven zey zenen ongekumen tsu di volkenes hot der feygl gezogt far di volkenes, "volkenes volkenes, dos zunele sheyne vil oyfshaynen un varem makhn di velt. es vil makhn vaksn di groz, es vil makhn di blumen farbik, di eplekh royt un di barn grin, un es vil makhn ale peyres zis un zaftik. ober ir volkenes hot zikh geshtelt farn zunele sheyne un ir lozt im nisht shaynen. derfar viln mir aykh betn az ir zolt azoy gut zayn un avekgeyn iber di yam|en lozn dem zunele shaynen."

di volkenes hobn geentfert az zey veln lozn dem zunele shaynen ober atsind iz zey shver avektsuforn vayl zey shlepn a shvern pekl ful mit regn. "mir veln ersht laykht makhn unzere pleytses un oysgosn dem regn iber der velt un nokhdem veln mir zikh tsegeyn. ir zolt oykh visn az oykhet der regn makht grozele vaksn, git blimele farbn un makht vaksn ale frukht --- nor far dem hob ikh farshtelt dos zunele sheyne.

der feygl, der boym, dos blimele, dos grezl, un dos shteyndl hobn sheyn badankt di volkenes un zenen tsurik aropgefloygn. oyfn veg arop hot der boym gezogt farn feygl, "ven se regnt zolstu kumen zitsn oyf mayne tsvaygn, un mayne bleter veln dikh bashitsn az du zolst nisht nas vern".

di volkenes hobn geton azoy vi zey hobn tsugezogt un bald nokhn regn zenen zey zikh tsegangn un dos zunele sheyne hot oyfgeshaynt oyf der velt. es hot oysgetriknt ale vaser un alemen varem gemakht. nor in eyn vinkele kent ir zen a kleyne kaluzhe vos in dem bodt zikh dos kleyne shteyndele un dernokh leygt er zikh shlofn oyf der veykher erd.